Euskadiko Orkestra Sinfonikoa

Hauxe da Euskadiko Orkestra Sinfonikoak eta Donostiako Orfeoiak urtarrilaren 12an Haitin gertatutako lurrikararen ondorioz kalteturikoentzat bildu duten dirua. Kopuru hau, Kursaalean pasa den otsailaren 27an ospatutako kontzertu solidariorako sarreren salmentaren eta Kutxak kudeatutako 0 lerroari esker bildu da eta Gurutze Gorriari eman zaio Haitira helaraz dezan.

Martxoaren 10ean Iruñeako Baluarten eta 11ean Gasteizko Principal Antzokian eskainiko du Orkestrak bere Abonu-Denboraldiko zortzigarren programa. Christian Lindberg suediarraren zuzendaritzapean, Orkestrako tuba bakarlaria den Oscar Abellak Vaughan Williamsen  Tubarako kontzertua interpretatuko du. Kontzertuak gainera Gerok lanarekin irekiko dira. Partitura honekin irabazi zuen 2007an Isabel Urrutia bizkaitarrak AEOS elkarteak BBVA Fundazioaren laguntzaz antolatzen duen Konposizio Lehiaketaren IV. edizioa. Egitaraua osotzeko Sibeliusen 5. Sinfonia izango da entzungai.

Webguneko AZKEN KONTZERTUA atalean entzungai dago jada Euskadiko Orkestraren 7. Abonu-programa. Martxoak 4 eta 5ean Donostiako Kursaal Auditorioan, Orlestrak estreinako aldiz interpretatu zituen bi sinfonia hauek, Euskadiko Orkestraren podiumean debuta egin zuen Lawrence Renes holandarraren zuzendaritzapean.