Izan ere, musika sinfonikoaren arloan, alemaniar musikari hau maila gailenenko orkestrekin batera aritzen da, horien artean New Yorkeko Orkestra Filarmonikoa, Chicago zein Bostoneko orkestra sinfonikoak, BBC-ko orkestra filarmonikoa eta Frantziako Orkestra Nazionala; eta ganbera-musikari dagokionez ere interprete garrantzitsuenekin aritzen da mundo osoko aretoetan: Anne-Sophie Mutter, André Previn, Renaud Capuçon eta Steven Isserlis, besteak beste.

Daniel Müller-Schottek (Münich, 1976), Pedro José Rodríguez donostiar pianojoleak lagundurik, Robert Schumannen Fantasiestücke, opus 73 eta Johannes Brahmsen Biolotxelo eta pianorako 2. sonata fa maiorrean, opus 99 interpretatuko ditu.

Kontzertua goizeko 11etan hasiko da eta sarrerak www.kutxasarrerak.net eta Telekutxa (943 00 12 00) bidez eros daitezke, eta kontzertu egunean baita Orkestraren egoitzan ere, 10.30etatik aurrera. Halaber, gogorarazten dizuegu doako autobus zerbitzua dagoela egoitzara etortzeko, 10.25etan Gipuzkoa Plaza, 4tik atera eta Antso Jakituna, 18an eta Madrilgo Hiribidea, 34ean geldialdiak egiten dituelarik.

Lehenbiziko aldia da Oreka TX orkestra sinfoniko batekin bakarlari aritzen dela. Egun Harkaitz Mtnez de San Vicente eta Mikel Ugartek osatua, Oreka TX taldea 1997an sortu zuten Harkaitz Martínez eta Igor Otxoak. Nömadak TX proiektuaren egileak, txalapartaren erabateko gaurkotasuna aldarrikatu ea mundu osoko eszenatokietara eraman duten musikarien belaunaldi berri baten kide dira.

Txalaparta, Euskadiko Orkestraren eta Oreka TXen bategitea ekarri duen musikalana. Iván Fedele (Lecce, 1953) italiarrak idatzitako partitura hau Euskadiko Orkestra Sinfonikoaren TESELA egitasmoaren baitan estreinatuko da. Tesela Euskadiko Orkestrak bere 30. urteurrena ospatzeko abian jarritako konposizio-proiektua da, BBVA Fundazioaren lankidetza esklusiboa duena. Nazioarte mailako ibilbide nabarmena duten zortzi konpositoreei nolabait euskal kulturarekin lotura duen obra banaren enkargua egin izana du oinarri. Zortzi obra, Euskadiko Orkestrak bere hiru hamarkadak ospatzeko eraikitako musika garaikidez eginiko mosaikoaren zortzi tesela izango dira. Aurrez, denboraldiko beste programatan Michael Finnissyren Zortziko, James Dillonen White Numbers eta Mario Lavistaren Tres cantos a Edurne aurkeztu dira. Estreinaldi-seriea 2012/2013 denboraldian osotuko da.

Kontzertu hauetako programa Daniel Müller-Schott (Münich, 1976) alemaniar biolontxelojotzailearen interpretazio bakarlariarekin irekiko da, Dvoráken Biolontxelo eta orkestrarako kontzertuan. Orkestrarekin estreinakoz 2010ean aritu zen interprete hau bere belaunaldiko talentu nabarmenetakotzat hartua izan da. New Yorkeko Orkestra Filarmonikoa, BBC-ko Filarmonikoa, London Philharmonic, Israelgo Sinfonikoa, Frantziako Orkestra Nazionala edo Berlingo Irratiko Sinfonikoarekin aritu da, Askhenazy, Eschenbach edo Masur bezalako maisuen zuzendaritzapean. Musika ikaslgelatan zabaltzeaz arduratuta, Rapsody in School erakundearen lankide da eta maiatzaren 23an Bilboko Deutsche Schulen izango da. Gainera, Daniel Müller Schott maiatzaren 19 larunbatean 11:00etan Euskadiko Orkestraren egoitzan izango den Miramongo Matinéean protagonista izango da. 

Euskadiko Orkestra Sinfonikoak Musika Gela-ri eskainiko dio bere jarduera aste honetan. "Sheherazade... eta beste ahots batzuk" kontzertu sinfonikoa ardatz izango dute: III. Eskola-haurrentzako Kontzertuek, FEVASekin (Adimen Ezintasuna Dutenen Aldeko Elkarteen Euskal Federazioa) lankidetzan egindako tailer berri batek eta Musika Familian zikloko denboraldiko laugarren kontzertua. Euskadiko Orkestrako Hezkuntza Departamentuak koordinatutako jarduera guzti hauek Orkestrak Miramonen duen egoitzan burutuko dira eta 2.700 bat persona bilduko dituzte guztira.

"Sheherazade... eta beste ahots batzuk" kontzertuak urrun jaio arren arrazoi batengatik edo besteagatik orain gure artean bizi direnen sorterrietako musiken oihartzunak entzuteko aukera emango digu. Emanaldiak zera azpimarratuko du, haiekin eta haiei esker, Errusia, Errumania, Txina, Hegoamerika edo Estatu Batuetako musika gure ere badela orain. Sheherazade kultur aniztasuna nagusi deneko gizarte bati buruz mintzo zaigu, bizikidetzari irekiagoa, non kultura ezberdin horietako ahotsek gure Orkestrako atriletan duten tokia. Diego Martín Etxeberriaren zuzendaritzapean, Euskadiko Orkestra Sinfonikoak Guridi, Bartok, A. Márquez, Brahms, Rimsky-Korsakov edo Rossiniren lanak interpretatuko ditu. Jon Gómez Garai ETBko aurkezle gaztea izango da zeremonia-maisu, Orkestrako Hezkuntza departamentuko koordinatzaile Mikel Cañadaren gidoia oinarri harturik.

1.- III. Eskola-haurrentzako Kontzertuak (maitzak 8, 9 eta 10). Euskadiko Orkestraren egoitzan izango dira III. Eskola-haurrentzako Kontzertuak, denbora gutxian gure hezkuntza-komunitatean finkatu den zikloa. Aurten Donostia, Ataun, Zizurkil, Beasain, Ordizia, Errenteria, Legorreta, Legazpi, Oñati, Eibar, Tolosa, Mutriku, Abadiño eta Gasteizko ikastetxeetatik etorritako 2.305 haur izango dira antolatutako sei emanaldietan. "Sheherazade... eta beste ahots batzuk" kontzertuan izatea aurrez Orkestraren hezkuntza departamentuak prestatutako material pedagogiko berariazkoen bidez ikasgelan garatuko den jardueraren gailurra izango da. Ziklo hau Donostiako Udaleko Hezkuntza Atalaren lankidetzarekin burutzen da.

2.- FEVAS-ekin lankidetzan Tailerra (maiatzak 11). Korporazio Erantzukizun Sozialaren baitan, Euskadiko Orkestraren Musika Gelak 2009. urtetik lankide du Adimen Ezintasuna dutenen aldeko Elkarteen Euskal Federazioa (FEVAS). Denboraldi honetan lankidetza hau "Sheherazade... eta beste ahots batzuk" argudio nagusi izango duten tailerra eta ondorengo kontzertuaren bidez gauzatuko da. Maiatzaren 11 ostiralean izango da eta Gautena, Goyeneche Fundazioa, Uliazpi, Aspace Bizkaia, Gorabide eta Uribe Costa elkarteetako 100 kidek esku hartuko dute bertan.

3.- Larunbat goizean, Musika Familian (maiatzak 12). Maiatzaren 12 larunbatean, 12:00etan, Orkestraren egoitzako ateak "Sheherazade... eta beste ahots batzuk" kontzertuaz famili-giroan gozatu nahi dutenentzat irekiko dira". Aurrez, 10:45etan ondorengo kontzertura joango direnei zuzendutako Sentsibilizazio Tailerra izango da, honetan ere Sheherazade oinarri harturik (izena emateko dei Orkestraren bulegoetako telefonora, 943 01 32 32). Kontzerturako sarrerak Telekutxa (943 00 12 00) eta www.kutxasarrerak.net webgunean eros daitezke eta kontzertu egunean baita Orkestraren egoitzan ere, 11:30etatik aurrera.

"Sheherazade... eta beste ahots batzuk"
Maiatzak 8, 9, 10: III. Eskola-haurrentzako Kontzertuak
Maiatzak 11: Tailerra eta kontzertua FEVAS-ekin lankidetzan
Maiatzak 12: Musika Familian, 12:00etan

Proiektu bitxia izango da: uruguaitar kantariaren disko berri bat plazaratzearekin batera, berak tablet eta smartphonetarako sortutako aplikazio berriztatzaile bat jarriko da salmentan. Honen bidez erabiltzaileak doinu baten ia ezin kota ahala bertsio ezberdin sortzeko aukera izango du. Horretarako, Orkestrak sekzioz sekzio grabatuko du doinua.

Komunikabideekin izandako topaketan Jorge Drexlerrek berak azaldu du erabiltzaileak "eraldatu ahal izango dituen" hiru kantuen segida izango dela. Horietatik bigarrena, "Madera de deriva" izenburu duena, izan da Euskadiko Orkestrarekin grabatu duena. Kasu honetan hotsen konbinatoria da sortzen dena, beste bietan berriz, erabiltzaileak letra, poesia da konbinatu ahal izango duena, egileak finkatutako koordenadei erantzunez beti ere. Artistikoki egitasmo honek aurrerpausua suposatzen du Drexlerrentzat. Proiektu honek Raimond Llullen "Ars combinatoria" du aintzindari eta oraindik sortze-prozesuan dago; behin betiko emaitza irailan emango da ezagutzera.

Egitasmoaren nobedade nagusia zera da, 1920.etik erabiltzen den fonograma, artxibo itxia gainditu eta estreinakoz editatu daiteken artxibo bat aurkezten dela, bizia, kantu adimendunak sortuz.

Fernando Velázquez konpositore eta zuzendaria arduratuko da grabaketa zuzentzeaz. Aurretik zuzendu du Orkestra Velázquezek, izan ere 2010ean Oskar Santosen El mal ajeno filmerako idatzitako soinu-bandaren grabaketa zuzendu baitzuen, besteak beste. Gainera Euskadiko Orkestra eta Ken Zazpi pop-rock taldea batuko dituen KlasikAT-eko kontzertuetarako moldaketak egin eta zuzenduko ditu.

Musika biziki maite duen gazte talde batek sortutako abesbatza da KUP. 2003ko udaberrian hasi zen lanean, musikaz gozatu eta, aldi berean, ahalik eta kalitaterik handieneko musika eskaintzeko asmoarekin. Gabriel Baltés da taldearen zuzendaria: abesbatzen munduan punta-puntakoa eta Musikene Euskal Herriko Goi Mailako Ikasketen Zentroan abesbatzen zuzendaritza-irakaslea. Euskadi, Frantzia, Luxemburgo edo Eslovenian eskaini dituzte kontzertuak eta Tolosa, Maribor, Tours eta abarreko lehiaketatan esku hartu dute. Tours-eko Forilège Vocal Nazioarteko Lehiaketan garaile izanagatik joan zen azaroan Tolosan izandako Europako Abesbatzen Sari Nagusiko finalean aritu zen.

Musikaren historiaren bi mende baino gehiago hartuz, XVIII. etik XX.era, KUP Taldeak Miramongo Matinéetan aurkezten duen egitaraua bere askotarikotasunagatik bereizten da. Interpretatuko dituen obren artean, Haydnen lanak (lau ahots eta pianorako), Schuberten Ständchen gizonen abesbatzarako eta altoaren soloa sopranoak interpretatuko dueneko bertsioan, Brahmsen Lieder und Romanzen, opus 44etik hiru eta Fauré eta Castelnuovo-Tedescok Víctor Hugo eta García Lorcaren poemak oinarri harturik sortutako lanak.

Kontzertua goizeko 11etan hasiko da eta sarrerak www.kutxasarrerak.net eta Telekutxa (943 00 12 00) bidez eros daitezke, eta kontzertu egunean baita Orkestraren egoitzan ere, 10.30etatik aurrera. Halaber, gogorarazten dizuegu doako autobus zerbitzua dagoela egoitzara etortzeko, 10.25etan Gipuzkoa Plaza, 4tik atera eta Antso Jakituna, 18an eta Madrilgo Hiribidea, 34ean geldialdiak egiten dituelarik. 

"Musika irekia" da Euskadiko Orkestra Sinfonikoak Kontzertu Denboraldi berrian barrena abiatzeko aukeratutako leloa. "Musika irekia" lemak Orkestraren nortasunari erantzuten dio: kultur, hezkuntza eta gizarte mailan dituen betekizunei jarraiki, bere musika eremu, formatu eta publiko ezberdinei zabaltzen dien erakundea baita. Bere jarduera nagusi Abonu Denboraldia oinarri harturik, Euskadiko Orkestra eraldatu eta bere musika irekia beste fomatuetan eskaintzeko moldatzen da: Miramongo Matinéeak zikloaren Orkestra da, Musika Gelarena, jada ezaguna den KlasikAT zikloaren Orkestra, Musika Laborategiarena; baita bere kontzertuak sarean eskaintzen dituena; behar bereziak dituzten gizataldeen gizarteratzea ahalbidetzen saiatzen den Orkestra; euskal sorkuntza eta unibertsalaren ondarea gordetzeko berau grabatzen duena; sortzaile berriei lagundu eta bestelako arteekin sinergiak bultzatzen dituen Orkestra; munduan barrena bidaiatu eta musika bere eremuetatik kanpo zabaltzen duena.

Euskadiko Orkestra Sinfonikoa etengabean garatzen ari den espazio zabala da, dinamiko eta berriztatzailea, gertukoa, non proposamen bakoitza, publiko zehatz bati egokitzeko diseinatua, gozatua izateko prest dagoen, eskuragarri. Eta era berean bizikidetzarako ezinbesteko espazioa da, ideiak partekatu eta euskarri ezberdinetan, berariazko zein birtualetan aurkezten diren mezuen elkargunea. Helburua bere musika ahalik eta gehien gizarteratzea da, horretarako norbanakoaren interesei erantzunez. Musika da, beti musika irekia, non gure gizarteko kide bakoitzak bere tokia aurkituko duen. Izan ere, 30 urte dira jada, 3000 emanaldi baino gehiago, 3 milioi entzuletik gora.

Gernikako bonbardaketa, Euskadiko Orkestra Sinfonikoa eta Bilboko Koral Elkartea beste behin elkartuko dituen musika-motiboa. Izan ere, gertakari penagarri haren oroimenez sortutako partiturek behin baino gehiagotan elkartu dituzte bi erakunde hauek: 2000. urtean, Euskal Konpositoreen Bildumaren baitan Pablo Sorozabali eskainitako monografikoaren barnean Gernika euskal hileta martxa grabatu zuten. Eta 2008an, Francisco Escuderoren (1912-2012) Gernika opera argitaratu zuten, mundu mailan estreinako aldiz. Sorozabalek 1976an idatzitako abesbatza eta orkestrarako partitura 1966an txistu, tronpa eta danborretarako egindako estreinako martxaren berrikusketa da.

Joaquín Achúcarro Euskadiko Orkestra Sinfonikoaren Abonu-Denboraldian berriz ere. Beti ohore handia da Orkestrarentzat nazioarte mailako ospea duen Joaquín Achúcarro pianojotzailea bere eszenatokietan izatea. Oraingoan musikari bilbotar itzaltsuak bere jaioterrian, eta baita Iruñean ere, Paganiniren gai baten gaineko rapsodia interpretatuko du; musikalan hau "Rachmaninoven katalogo osoko obrarik sotilenetakoa da, asmamen handikoa eta arreta handienaz eraikia", egitarauari oharren egile Juan Manuel Vianaren hitzetan.

Berriz ere Municheko Orkestra filarmonikoa zuzendu ostean Euskadira itzuli den Andrés Orozco-Estradak zuzenduko duen programa hau osotzeko Richard Straussen Heriotza eta eraldatzea eta Till Eulenspiegelen bihurrikeria dibertigarriak izango dira entzungai. Lehenbizikoak xehetasunen zale den Strauss erakusten digu eta bigarrenari, berriz, komikotasuna, ironia eta izugarrikeria dario. 

Bi hitz etengabe errepikatzen dira larunbateko kontzertuan entzungai izango diren obretako testuetan: basoa (Wald) eta ehizaldia (Jagd). Hauei musika instrumentala sortuko duen tronpa gehitzen badiegu literatura, pintura eta zinemaren oroitzapenak ekarriko dizkigun topikora hurbilduko gara. Euskadiko Orkestrako tronpajotzaile Mario Telentiren hitzetan, "aintzinako musika, xumea eta traszendentzia laburrekoa, baina sakona, sentibera eta zuzena da; denboraz at geratzen den musika, iragana eta oraina islatzen dituena, xumea eta klasikoa Schubertekin, naif eta traszendentea Schumannekin, biziki erromantikoa Brahmsekin". Brahmsen Lau kantu, opus 17, Schumannen Bost kantu, opus 137 eta Schuberten Nachtgesang im Walde errepertorio unibertsaletik ateratako obra bikainak dira, Erromantizismoko ideia baliotsuena laburbiltzen duen "musikara egokitutako sentimendu" horretara hurbiltzen gaituztenak: Natura, alegiazko baso batean irudikatua, XIX. mende gatazkatsuan inspirazioaren ingurunea bilakatzen da.

Kontzertua goizeko 11etan hasiko da eta sarrerak www.kutxasarrerak.net eta Telekutxa (943 00 12 00) bidez eros daitezke, eta kontzertu egunean baita Orkestraren egoitzan ere, 10.30etatik aurrera. Halaber, gogorarazten dizuegu doako autobus zerbitzua dagoela egoitzara etortzeko, 10.25etan Gipuzkoa Plaza, 4tik atera eta Antso Jakituna, 18an eta Madrilgo Hiribidea, 34ean geldialdiak egiten dituelarik.

27 urterekin, Diego Matheuz, Gustavo Dudamelen urratsei jarraiki, venezuelar sistema ospetsuaren fruitua da. Haur zein gazte orkestra-sare nazional baten bidez, musika-talentu berrien harrobi garrantzitsua da sistema hau. José Antonio Abreuk duela 36 urte abian jarritako hezkuntza-egitura honen erakusle nagusi Gustavo Dudamelek Los Angeles eta Gotemburgeko Orkestra Sinfonikoen titular gisa bere ibilbidean aurrera doan moduan, Diego Matheuz Claudio Abbadoren eskutik heldu da Europara eta Veneziako La Fenice antzoki mitikoaren musika-zuzendaria da egun. Europar orkestra onenak zuzentzen dituen bitartean, Matheuz Europa, Txina eta Japonian barrena ari da lanean eta orain estreinako aldiz dator espainiar estatura Euskadiko Orkestra Sinfonikoa zuzentzera. Gaurtik aurrera Diego Matheuz Euskadiko Orkestra Sinfonikoaren buru arituko da programa osatuko dute bost kontzertuak prestatu eta zuzentzeko. Atriletan izango dira aipatu Mario Lavistaren Tres cantos a Edurne, Saint-Saënsen Biolontxelo eta orkestrareko 1. kontzertuaren biolarako moldaketa eta Rimsky-Korsakoven Sheherazaderen suite sinfonikoa.

Tres Cantos a Edurne, Tesela proiektuaren hirugarren estreinaldia. Kontzertuak Tesela proiektuaren baitan sortutako obra berri baten estreinaldiarekin irekiko dira. BBVA Fundazioaren lankidetza esklusiboa duen proiektu honekin Euskadiko Orkestraren 30. urteurrena ospatzen da konpositore nabarmenei egindako enkarguen bidez. Eduardo Lavista mexikarrak sortua, Tres cantos a Edurne obra erlijiosoa da. Bata bestearen atzetik etenik gabe doazen hiru atal labur ditu. Triptiko piktoriko baten antzera, kantu bakoitzak adierazpide berezia du, sentimendu propioa, baina aldi berean, kantu bakoitzak beste bien ezaugarri komunak ditu.

Zenbaki honetan Kadenza diskoarekin batera garaileen zerrenda honetan agertzen dira Helsinkiko Orkestra Filarmonikoak Rautavaa-ri eskainitako grabaketa bat; Tchaikovsky-ren lanak biltzen dituen DK bat, Tugan Sokhiev-en zuzendaritzapean Orchestre National du Capitole de Toulouse-ek grabatua; eta Lutoslawski-ri eskainitako monografiko bat, BBC Symphony Orchestrak interpretatua eta Edward Gardinerrek zuzendua. Lehen mailako edizioak dira zalantzarik gabe, orkestra zein zuzendari gailenek burutuak.

Kadenza Euskadiko Orkestrak lehen mailako musika garaikidearen alde egindako apostuaren emaitza da, oraingoan Sofia Gubaidulinaren (Cristopol, Tartaristango Errepublika, Errusiar Federazioa, 1931) lana bildu duelarik.

Iñaki Alberdi akordeoijotzailea eta Asier Polo biolontxelojotzailea aritu dira bakarlari grabaketa honetan, Euskadiko Orkestrako ganbera talde batekin batera. Disko honen balio nagusienetako bat biek Sofia Gubaidulinarekin berarekin José Ramón Encinar maisuaren egindako elkarlan nabarmena da.

ET'CETERA disko etxe holandarrak argitaratutako disko honek Seven Words, In Croce, Kadenza eta Et exspecto obrak jasotzen ditu eta aukeraketa hau ezin hobea gertatzen da Sofia Gubaidulinaren obrara hurbiltzeko.

Kadenza 2011ko abenduaren 20an aurkeztu zen komunikabideen aurrean, Donostiako Iesu elizan. Ekitaldi hartan dikoko hainbat zati zuzenean interpretatu zituzten Iñaki Alberdi, Asier Polo eta Euskadiko Orkestrako ganbera taldeak.

Händel Elena Sancho sopranoaren, Borja Rubiños klabe-jotzailearen eta Euskadiko Orkestra Sinofnikoko kide diren Irene Echeveste biolin-jotzailea eta Gabriel Mesado biolontxelo-jotzailearen eskutik dator Matinéetara.

Georg Friedrich Händel konpositorea barroko garaiko sortzaile nagusienetako bat dugu eta baita mendebaldeko musikan artista eraginkorrenetako bat ere. Bera dugu bere sorkuntza noblezia zein mezenasei eskaini beharrean entzulegoaren gustura egokitu eta zuzendu zuen lehenbiziko konpositore modernoa. Italian emandako lehenbiziko urteetatik Londresen pasatako azken egunetaraino ia bere ibilbide osoa hartzen duen bere ganbera-musika ekoizpen interesgarritik, Bederatzi aria alemaniar entzungo ditugu. Oratorio sendoengandik urrun, Händelen katalogo guztiko lan pertsonal zein ederrenetariko bat bilakatu ziren. Testuek, Barthold Heinrich Brockes-ek idatzitako poemek, naturaren edertasunaren eta honek gizakiekiko duen eraginaren inguruko irudi poetiko ugari biltzen dituzte. Horren emaitza dira aria malenkoniatsu, samur zein lirismo gozodunak. Egitaraua osotuz, 3. Sonata la maiorrean, opus 1, eta 13. Sonata re mariorrean, opus 1. Maisu-lan txikiak dira, bere oratorio erraldoiengatik ezaguna den konpositoreak ustekabean sortutako bitxiak.
Kontzertua goizeko 11etan hasiko da eta sarrerak www.kutxasarrerak.net eta Telekutxa (943 00 12 00) bidez eros daitezke, eta kontzertu egunean baita Orkestraren egoitzan ere, 10.30etatik aurrera. Halaber, gogorarazten dizuegu doako autobus zerbitzua dagoela egoitzara etortzeko, 10.25etan Gipuzkoa Plaza, 4tik atera eta Antso Jakituna, 18an eta Madrilgo Hiribidea, 34ean geldialdiak egiten dituelarik. 

Ez galdu aukera, garaiz zabiltza oraindik zure sarrera eskuratzeko!

-Baluarte Auditorioa, Iruña: Auditorioko leihatilan (948 06 60 60), ServiCaixa (902 33 22 11), ServiCaixa kutxazainetan, www.baluarte.com. 
-Victoria Eugenia Antzokia, Donostia: Antzokiko leihatila (943 48 18 18), Telekutxa (943 00 12 00) eta www.kutxasarrerak.net.
-Arriaga Antzokia, Bilbao: Antzokiko leihatila (944 310 310), BBKren orotariko kutxazainetan eta www.bbk.es.
-Principal Antzokia, Gasteiz: Antzokiko leihatilan, Udaletxeko telefono zerbitzua (945 16 10 45) eta http://entradas.cajavital.es, www.vitoria-gasteiz.org/teatros.

Radovan Vlatkovic (Zagreb, 1962), Berlingo Irratiko Orkestra Sinfonikoko tronpa bakarlari izan zen eta postu hau bere ibilbidea bakarlari gisa jarraitzeko utzi zuen. Egun tronpa-jotzaile ospetsuenetakoa da eta jarduera pedagogikoari dagokionez irakasle da Salzburgeko Mozarteumean eta Madrilgo Sofia Erregina Goi Mailako Musika Ikastegian. Vlatkovicek 2009an egin zuen debuta Euskadiko Orkestraren Denboraldian, Krzysztof Pendereckiren zuzendaritzapean bakarlari aritu zela, eta orain Orkestraren Haize-Sekzioa zuzentzeko itzuli da gurera.

Kontzertu honetako egitaraua Mendelssohnen Nokturnoa haizeentzako, Dvoráken Serenata haizeentzako eta Mozarten Gran Partita obrek osatzen dute. Juan Manuel Viana, egitarauari oharren egile kritikariak hitz hauekin laburbildu du: "Haize instrumentuetarako Gran Partita izugarrizkoarekin, garaiko serenatek eta divertimentoek ezaugarri zuten izaera arina, adeitsua eta gorte girokoa gainditu zuen Mozartek. Berak utzitako ondarea 1824an jaso zuen Mendelssohn nerabeak haren obra ezezagunetako baten bitartez eta, mende erdi geroago, Dvorákek, bere sustrai eslovakiarrei tinko eutsi zien Serenata zoragarrian jaioterriko folklorearen arrastoa eta musika herrikoia jotzen zuten talde haien nortasun landatarra konbinatzean".

Kontzertua Bilboko Juan Crisóstomo de Arriaga Musika Kontserbatorioan. Bezperan, osteguna hilak 15ean, Orkestrako Haize-Sekzioak, kroaziar birtuosoaren zuzendaritzapean, egitarau hori bera interpretatuko du Bilboko Juan Crisóstomo de Arriaga Musika Kontserbatorioan, erakunde honen kontzertu-programazio interesgarriaren baitan.

Kalitatea eta dibertsioa. Stick Dance Quartet taldeak, Euskadiko Orkestrako kide zein lankidek osatua, bere gaitasun dramatiko zein musikazko oro erabiliko ditu entzulegoarentzat dibertigarria eta interpreteentzat musikalki konplexua den muntaia honetan.

Donostiako kontzertuaren aurretik, Sentsibilizazio Tailerra. Kursaaleko ganbera-aretoko kontzertuaren aurretik, 16:45etan sentsibilizazio tailerra izango da. Entzute aktiboa bultzatzera zuzendutako jarduera honetan ondorengo kontzertuarekin erlazioa izan dezaten diseinatutako ariketak lantzen dira. Oraingoan Ana Eguiazabalek zuzenduko duen tailer hau doakoa du kontzerturako sarrera duen ororentzat, baina tokia mugatua da. Bertaratu ahal izateko Kursaal Elkarguneko Bulegoetako 943 00 31 80 telefonoan izena eman behar da.

Guztira bost kontzertu izango dira: martxoaren 21ean Iruñeako Baluarten, 22an Donostiako Victoria Eugenia Antzokian, 23 eta 24an Bilboko Arriaga Antzokian eta amaitzeko, martxoaren 28an Gasteizko Principal Antzokian.

Proiektu hau 2010 urtean Orkestra eta Keparen arteko estreinako elkarlanaren ondorioz sortu zen. Topaketa hura orain KlasikAT zikloaren kontzertu-sorta berri bat bihurtuko den lanaren oinarria izan zen. Euskadiko Orkestraren aldaberatasuna ezinbestekoa izan da jatorri, genero eta erritmo ezberdinen arteko fusioa inspirazio iturri duen musikari autodidakta honen obrari aurre egiteko garaian.

Aurrekoan bezala, Orkestrak Enrique Ugarte maisuaren gain utzi du KlasikAT berri hau zuzentzearen ardura. "Swing Gaua" zuzentzeaz gain, Alemanian bizi den tolosar zuzendari hau sarritan aritu da Euskadiko Orkestrarekin lankidetzan, esaterako Mike Oldfield-en "Music of the Spheres" diskoaren mundu-mailako aurkezpenean edo Benito Lertxunidrekin batera gauzatutako "Auhen Sinfonikoa" diskoaren grabaketan.

"Ipar Haizea". Kontzertu hauetan aurkezten den egitaraua HiriRecords-ek argitaratutako "Ipar Haizea" diskoan jaso da. Egunotan salmentan jarriko den lan hau Kepa Junkerak burututako estreinako disko sinfonikoa da.

KlasikAT egitasmoarekin Orkestrak bere musika eskaintza publiko anitzei zabaltzea du helburu, musika klasikoaz urrun geratzen diren eta orkestra baten ibilbide sinfonikoan arrotzak diren errepertorioak landuz. Horretarako Orkestrak beren musika-alorrean nabarmenak diren artista ospetsuekin bat egiten du. Honela, Michel Camilo pianojotzailearen eskuetatik irtendako latindar jazz onena eta Swing Gaua izan ziren 2010 eta 2011 urteetan egindako proposamenak.

Euskaltel-en babesa izango duten kontzertu hauetarako sarrerek 15 eurotako prezio bakarra dute eta ohiko salmenta-bideetan eros daitezke:

-Baluarte Auditorioa, Iruña: Auditorioko leihatilan (948 06 60 60), ServiCaixa (902 33 22 11), ServiCaixa kutxazainetan, www.baluarte.com.
-Victoria Eugenia Antzokia, Donostia: Antzokiko leihatila (943 48 18 18), Telekutxa (943 00 12 00) eta www.kutxasarrerak.net.
-Arriaga Antzokia, Bilbao: Antzokiko leihatila (944 310 310), BBKren orotariko kutxazainetan eta www.bbk.es.
-Principal Antzokia, Gasteiz: Antzokiko leihatilan, Udaletxeko telefono zerbitzua (945 16 10 45) eta http://entradas.cajavital.es, www.vitoria-gasteiz.org/teatros.

Kontzertu hauek komunikabideei aurkeztu zaizkie Orkestraren egoitzan egin den prentsaurrekoan. Bertan mintzatu dira Iñigo Alberdi, Orkestraren zuzendari nagusia, Kirmen Uribe, idazlea eta narratzailea, eta Lawrence Renes zuzendaria.

Musika eta literatura bat egiteak izaera propioa duen arte-lana sortuko du. Bere osotasunean bi diziplina artistikoen elkartzea gainditu eta haratago doan arte-lana, hori izango da "Mundu Berriaren binetak"; hemen mundo berria ez derizo amerikar kontinenteari soilik, literatura eta musika uztartzetik eszenatokian zuzenean sortuko denari ere bai.

Musikari dagokionez, egitarauak ere Kirmen Uriberen eleberrian islatzen den bidaiaren ideia, Euskadi eta Estatu Batuen arteko lotura jasotzen du, poetaren kontakizunean hitzen azpian gordetzen den soinu banda bilakatuz, nolabait esateko. Aukeratutako zatiak bezala, bere nortasunaren bila dabilen norbait irudikatzen duten ezin konta ahala ñabarduradun hotsak dira. Soinu banda hori Copland-en Fanfare for the Common Man, Aita Donostiaren Rapsodia Bascongadako Itsasoan, Bernstein-en Candideko oberturak, Barber-en Harientzako Adagioak eta Dvorák-en Mundu Berriaren Sinfoniak osatzen dute. Kirmen Uribek egindako teatralizazio txikiak eta landutako argiztapenak Atlantikoaren bi aldeen arteko zeharkaldiaren ideia indartuko dute halaber.

Orkestrak bere Denboraldiaren baitan Honneger-en David Erregea, Shostakovitch-en Babi Yar Sinfonia (Xabier Elorriaga narratzaile zela) edo Aragüesen Vita (Bernardo Atxagaren poemak Andoni Alemanek errezitatu zituelarik) programatu baditu ere, nobela baten zatiak oinarri harturik programa bat diseinatzen den eta Orkestrak testuen egilearen beraren lankidetza duen lehenbiziko aldia dugu honako hau. Kirmen Uribek literatura bestelako arteekin uztartzen dituzten hainbat ikuskizunetan hartu du parte. Horien artean, Bar Puerto, eszenatokian poesia, musika, bideoa eta ahozko historia biltzen zituena, eta Zaharregia, txikiegia agian CD-liburua, New Yorken eman zituen errezital batzuen ondorioz sortua.

Lawrence Renes holandarra izango da kontzertu hauen musika zuzendaria. Bigarren aldia da Renes EOSen Abonu-Denboraldian zuzendari gonbidatu aritzen dela, 2010eko martxoan debuta egin ondoren.

Ruth Gipps (1921-1999), laukoteari izen ematen dion sortzaile, zuzendari eta irakasle britainiarra, musikari emankorra izan zen, ganbera zein musika sinfonikoko partitura ugariren egile. Orkestrarako lanen artean, hainbat sinfonia eta kontzertu idatzi zituen, oboe eta orkestrarako kontzertu ezberdinak barne. Aipagarria da, halaber, irakaskuntzaren alorrean Trinity College of Music edo Royal College of Musica bezalako erakunde ospetsuetan egindako lana. Vaughan Williamsen ikasle nabarmena, izaera adoretsu zein interesgarria izan zuen Ruth Gipps-ek, are gehiago bizi izan zituen garaietan, gauzak ez baitziren errazak izan bere bizitza musikari eskaini ziion emankume honentzat. Julian Lloyd Webber biolontxelojotzailearen hitzetan, "bera bezalako jenderik gabe, ezin izango genuen errepertorioaren inguruan beharrezko genuen eskarmentua geureganatu. Bere gogo bizia kutsakorra gertatzen zen". Talentu aparta eta musika-ezagutza sakona izan arren, Ruth Gippsen lana ia ezezaguna da, baita bere jaioterrian ere.

Entzungai izango diren bi obrak instrumentu hau eta hari-hirukotearen hotsa lantzeko bi estilo eta modu oso ezberdin zein bereziak aurrez aurre jartzeko izan dira hautatuak. Bata, Jean Françaix konpositore frantziarrak idatzia da. Duela mende bat jaiotako konpositore ospetsu honen estiloa modernoagoa da eta garaiko frantziar musikaren eraginpean agertzen da. Bestea, berriz, Ruth Gipps-ek sortu zuen ikuspuntu erabat ezberdin batetik, aukera teknikoen ezagutza pertsonala oinarri harturik (izan ere oboe eta korno ingeles interpretatzaile profesional izan baitzen Birmingham Hiria Orkestran, besteak beste) eta baita musika ingeles tradizionalaren eraginpean.

Gaetano Donizettik hamabost egunetan idatzi zuen L'Elisir d'amore. 1832an Milanen estrienatua, bi aktutan banatutako opera komiko honek berehala lortu zuen arrakasta eta egun maisu-lantzat hartzen da. OLBEren denboraldira Gran Teatre del Liceu-ren ekoizpenean dator oraingoan, bilbotar opera denboraldian estreinakoz ari den Mario Gasen zuzendaritza artistikoaz. Euskadiko Orkestra José Miguel Pérez Sierraren gidaritzapean arituko da Euskaldunako zulogunetik. Zuzendari honek lehenbiziko aldiz zuzentzen du OLBEren denboraldian eta baita EOS ere. Bakarlari-taldearen buru Celso Albelo Tenerifeko tenorea eta Mariola Cantarero granadar sopranoa arituko dira. Opera Berri funtzioan Mikeldi Atxalandabaso tenorea eta Rocío Ignacio sopranoa arituko dira paper nagusienetan. Otsailaren 18tik 27ra Bilboko Euskalduna Jauregian.

Aurretik Orkestrak hiru alditan interoretatu du L'Elisir d'amore opera, bitan OLBEren denboraldiaren baitan eta behin Donostiako Musika Hamabostaldian.

Euskadiko Orkestrak Musika Gela izenpean biltzen ditu bertako Hezkuntza Departamentuak diseinatutako jarduera guztiak: Musika Familian, Gasteizen eta Donostian denboraldi orotan kontzertuak eskainiz, eta Eskola-haurrentzako Jarduerak, hezkuntzaren arlora bideratutako ekimenak aurrera eramanez, horien artean Eskola-haurrentzako Kontzertuak, Bisitak Orkestraren Egoitzara, Tailerrak Ikastetxeetan eta Entsegu Irekiak. Gainera Sinfokids-en bigarren denboraldian ari gara lanean.

Denboraldi honetan guztira 30etik gora dira Euskadiko Orkestra Sinfonikoarekin elkar hartuta izango diren musika-ekitaldiak. Aipagarria da joan zen denboraldian gure jarduerek 7.500 haur baino gehiago bildu zituztela. Eta bere hogeita hamar urtetako ibilbidean Euskadiko Orkestra Sinfonikoaren jarduera pedagogikoak 146.000 pertsona baino gehiago bildu ditu.

Musika Familian zikloaren baitan larunbatean, hilak 4, Donostiako Kursaaleko ganbera aretoan eta igandean Gasteizko principal Antzokian Euskadiko Orkestra Sinfonikoko ganbera talde batek eta Per Poc txotxongilo konpainiak "Soldadu baten istorioa" ikuskizuna eskainiko dute. Per Poc konpainiako Santi Arnalek sortu eta zuzendutako txotxongilo eta itzalek eta Eta Orkestrako musikariek Stravinskyren obraren moldaketa aurkeztuko digute. Kontzertu hauen aurretik Sentsibilizazio Tailerra izango dute aurretik. Ikuskizunen aurreko jarduera hau entzute aktiboa indartzera bideraturik dago. Musika Familian Gasteizko Udalarekin eta Kursaal Fundazioarekin koprodukzioan burutuko da aurtengoan ere.

Donostiako kontzerturako sarrerak Kursaaleko Leihatilan, Telekutxa bidez (943.00.12.00) eta www.kutxasarrerak.net webgunean eros daitezke. Gasteizko kontzerturako sarrerak, berriz, Principal Antzokiko Leihatilan, telefonoz (945.16.10.45) edo www.vitoria-gasteiz.org eta http://entradas.cajavital.es webguneetan eros daitezke.