Euskadiko Orkestra Sinfonikoak Musika Gela-ri eskainiko dio bere jarduera aste honetan. "Sheherazade... eta beste ahots batzuk" kontzertu sinfonikoa ardatz izango dute: III. Eskola-haurrentzako Kontzertuek, FEVASekin (Adimen Ezintasuna Dutenen Aldeko Elkarteen Euskal Federazioa) lankidetzan egindako tailer berri batek eta Musika Familian zikloko denboraldiko laugarren kontzertua. Euskadiko Orkestrako Hezkuntza Departamentuak koordinatutako jarduera guzti hauek Orkestrak Miramonen duen egoitzan burutuko dira eta 2.700 bat persona bilduko dituzte guztira.

"Sheherazade... eta beste ahots batzuk" kontzertuak urrun jaio arren arrazoi batengatik edo besteagatik orain gure artean bizi direnen sorterrietako musiken oihartzunak entzuteko aukera emango digu. Emanaldiak zera azpimarratuko du, haiekin eta haiei esker, Errusia, Errumania, Txina, Hegoamerika edo Estatu Batuetako musika gure ere badela orain. Sheherazade kultur aniztasuna nagusi deneko gizarte bati buruz mintzo zaigu, bizikidetzari irekiagoa, non kultura ezberdin horietako ahotsek gure Orkestrako atriletan duten tokia. Diego Martín Etxeberriaren zuzendaritzapean, Euskadiko Orkestra Sinfonikoak Guridi, Bartok, A. Márquez, Brahms, Rimsky-Korsakov edo Rossiniren lanak interpretatuko ditu. Jon Gómez Garai ETBko aurkezle gaztea izango da zeremonia-maisu, Orkestrako Hezkuntza departamentuko koordinatzaile Mikel Cañadaren gidoia oinarri harturik.

1.- III. Eskola-haurrentzako Kontzertuak (maitzak 8, 9 eta 10). Euskadiko Orkestraren egoitzan izango dira III. Eskola-haurrentzako Kontzertuak, denbora gutxian gure hezkuntza-komunitatean finkatu den zikloa. Aurten Donostia, Ataun, Zizurkil, Beasain, Ordizia, Errenteria, Legorreta, Legazpi, Oñati, Eibar, Tolosa, Mutriku, Abadiño eta Gasteizko ikastetxeetatik etorritako 2.305 haur izango dira antolatutako sei emanaldietan. "Sheherazade... eta beste ahots batzuk" kontzertuan izatea aurrez Orkestraren hezkuntza departamentuak prestatutako material pedagogiko berariazkoen bidez ikasgelan garatuko den jardueraren gailurra izango da. Ziklo hau Donostiako Udaleko Hezkuntza Atalaren lankidetzarekin burutzen da.

2.- FEVAS-ekin lankidetzan Tailerra (maiatzak 11). Korporazio Erantzukizun Sozialaren baitan, Euskadiko Orkestraren Musika Gelak 2009. urtetik lankide du Adimen Ezintasuna dutenen aldeko Elkarteen Euskal Federazioa (FEVAS). Denboraldi honetan lankidetza hau "Sheherazade... eta beste ahots batzuk" argudio nagusi izango duten tailerra eta ondorengo kontzertuaren bidez gauzatuko da. Maiatzaren 11 ostiralean izango da eta Gautena, Goyeneche Fundazioa, Uliazpi, Aspace Bizkaia, Gorabide eta Uribe Costa elkarteetako 100 kidek esku hartuko dute bertan.

3.- Larunbat goizean, Musika Familian (maiatzak 12). Maiatzaren 12 larunbatean, 12:00etan, Orkestraren egoitzako ateak "Sheherazade... eta beste ahots batzuk" kontzertuaz famili-giroan gozatu nahi dutenentzat irekiko dira". Aurrez, 10:45etan ondorengo kontzertura joango direnei zuzendutako Sentsibilizazio Tailerra izango da, honetan ere Sheherazade oinarri harturik (izena emateko dei Orkestraren bulegoetako telefonora, 943 01 32 32). Kontzerturako sarrerak Telekutxa (943 00 12 00) eta www.kutxasarrerak.net webgunean eros daitezke eta kontzertu egunean baita Orkestraren egoitzan ere, 11:30etatik aurrera.

"Sheherazade... eta beste ahots batzuk"
Maiatzak 8, 9, 10: III. Eskola-haurrentzako Kontzertuak
Maiatzak 11: Tailerra eta kontzertua FEVAS-ekin lankidetzan
Maiatzak 12: Musika Familian, 12:00etan

Kalitatea eta dibertsioa. Stick Dance Quartet taldeak, Euskadiko Orkestrako kide zein lankidek osatua, bere gaitasun dramatiko zein musikazko oro erabiliko ditu entzulegoarentzat dibertigarria eta interpreteentzat musikalki konplexua den muntaia honetan.

Donostiako kontzertuaren aurretik, Sentsibilizazio Tailerra. Kursaaleko ganbera-aretoko kontzertuaren aurretik, 16:45etan sentsibilizazio tailerra izango da. Entzute aktiboa bultzatzera zuzendutako jarduera honetan ondorengo kontzertuarekin erlazioa izan dezaten diseinatutako ariketak lantzen dira. Oraingoan Ana Eguiazabalek zuzenduko duen tailer hau doakoa du kontzerturako sarrera duen ororentzat, baina tokia mugatua da. Bertaratu ahal izateko Kursaal Elkarguneko Bulegoetako 943 00 31 80 telefonoan izena eman behar da.

Euskadiko Orkestrak Musika Gela izenpean biltzen ditu bertako Hezkuntza Departamentuak diseinatutako jarduera guztiak: Musika Familian, Gasteizen eta Donostian denboraldi orotan kontzertuak eskainiz, eta Eskola-haurrentzako Jarduerak, hezkuntzaren arlora bideratutako ekimenak aurrera eramanez, horien artean Eskola-haurrentzako Kontzertuak, Bisitak Orkestraren Egoitzara, Tailerrak Ikastetxeetan eta Entsegu Irekiak. Gainera Sinfokids-en bigarren denboraldian ari gara lanean.

Denboraldi honetan guztira 30etik gora dira Euskadiko Orkestra Sinfonikoarekin elkar hartuta izango diren musika-ekitaldiak. Aipagarria da joan zen denboraldian gure jarduerek 7.500 haur baino gehiago bildu zituztela. Eta bere hogeita hamar urtetako ibilbidean Euskadiko Orkestra Sinfonikoaren jarduera pedagogikoak 146.000 pertsona baino gehiago bildu ditu.

Musika Familian zikloaren baitan larunbatean, hilak 4, Donostiako Kursaaleko ganbera aretoan eta igandean Gasteizko principal Antzokian Euskadiko Orkestra Sinfonikoko ganbera talde batek eta Per Poc txotxongilo konpainiak "Soldadu baten istorioa" ikuskizuna eskainiko dute. Per Poc konpainiako Santi Arnalek sortu eta zuzendutako txotxongilo eta itzalek eta Eta Orkestrako musikariek Stravinskyren obraren moldaketa aurkeztuko digute. Kontzertu hauen aurretik Sentsibilizazio Tailerra izango dute aurretik. Ikuskizunen aurreko jarduera hau entzute aktiboa indartzera bideraturik dago. Musika Familian Gasteizko Udalarekin eta Kursaal Fundazioarekin koprodukzioan burutuko da aurtengoan ere.

Donostiako kontzerturako sarrerak Kursaaleko Leihatilan, Telekutxa bidez (943.00.12.00) eta www.kutxasarrerak.net webgunean eros daitezke. Gasteizko kontzerturako sarrerak, berriz, Principal Antzokiko Leihatilan, telefonoz (945.16.10.45) edo www.vitoria-gasteiz.org eta http://entradas.cajavital.es webguneetan eros daitezke.

Euskadiko Orkestrak Musika Gela izenpean biltzen ditu bertako Hezkuntza Departamentuak diseinatutako jarduera guztiak: Musika Familian, dagoeneko finkatutako zikloa, Gasteizen eta Donostian denboraldi orotan kontzertuak eskainiz, eta Eskola-haurrentzako Jarduerak, hezkuntzaren arlora bideratutako ekimenak aurrera eramanez, horien artean Eskola-haurrentzako Kontzertuak, Bisitak Orkestraren Egoitzara, Tailerrak Ikastetxeetan eta Entsegu Irekiak. Gainera Sinfokids-en bigarren denboraldian ari gara lanean; bitartean, lehenbizikoa DVD bilakaturik Euskadiko lehen hezkuntzako ikastetxe, musika eskola eta kontserbatorio guztietan dago jada tresna pedagogiko gisa erabilgarri.

Denboraldi honetan guztira 25 dira Euskadiko Orkestra Sinfonikoarekin elkar hartuta izango diren musika-ekitaldiak. Aipagarria da joan zen denboraldian gure jarduerek 7.500 haur baino gehiago bildu zituztela.

Musika Familian zikloak Gasteizen 1997an abian jarri zenetik familiarteko 26000 ikus-entzule bildu ditu.

Giza-balioak eta alaitasuna zabaltzea izango dira Musika Familian zikloaren denboraldi berrirako finkatutako helburuak. Denboraldi hau Gasteizen otsailaren 5ean abiatuko da, Principal Antzokian. Per Poc konpainiako Santi Arnalek sortu eta zuzendutako txotxongilo eta itzalek eta EOS instrumentu-talde batek Stravinskyren "Soldadu baten istorioa"ren moldaketa aurkeztuko digute. Martxoaren 17an García Lorca Antzokian Stick Dance Quartet perkusio-taldeak ia objektu oro musika instrumentu bihurtu daitekela erakutsiko digu, "Ezustekoen Kutxa" emanaldiaren bidez. Adin guztientzat aproposa bada ere, haurtxoentzat bereziki diseinatutako kontzertua izango da. Jada ekainan zikloa Principal Antzokira itzuliko da "40 urteko algara" kontzertuarekin; Txirri, Mirri eta Txiribitonen umore eta alaitasunarekin, guztiok elkarrekin hauen 40. urteurrena ospatuko dugu, 40 urte baidaramatzate eszenatokietan milaka irribarre zabaldu eta festa eta dibertsio-une ederrak eraginez. "Soldadu baten istorioa" eta "40 urteko algara" ikuskizunen aurretik Sentsibilizazio Tailerra izango da. Kontzertu-ziklo hau Gasteizko Udalarekin koprodukzioan burutuko da aurtengoan ere.

Kontzertu hauetarako sarrerak salgai daude jada. Principal Antzokiko Leihatilan, telefonoz kreditu txartela erabiliz (945.16.10.45) edo internet bidez (www.vitoria-gasteiz.org eta http://entradas.cajavital.es) eros daitezke. García Lorca Antzokian izango den ikuskizunerako sarrerak Jesús Ibáñez de Matauco Antzokian (C.C. Hegoalde) eta García Lorca Antzokian (C.C. Lakua) ere eros daitezke, kreditu txartela erabiliz. Principal Antzokiko ikuskizunetarako sarrerek 6€tako prezio bakarra dute eta García Lorca Antzokikoak 5€takoa.

Denboraldi osoa, aurrekoetan bezala Donostia eta Gasteizen izango dena, 2012ko urtarrilaren bukaera aldera aurkeztuko da. Biharkoaren ondoren, Donostian hurrengo kontzertua 2012ko otsailan izango da eta honetarako sarrerak abenduaren 20an jarriko dira salgai.

Sheherazade eta beste ahots batzuk 2012ko maiatzaren 8, 9 eta 10ean helduko da Orkestrak Miramonen duen egoitzara, eguneko bi emanaldi izango direlarik. Eskola-haurrentzako Kontzertu hauetara joateko, ezinbesteko baldintza izango da ikastetxeko musika-irakaslea aurrez, 2012ko martxoak 9 ostiralean 12.00etan, Orkestraren egoitzan izango den Irakasleentzako Tailerrera bertaratzea.

Kontzertu hauetara etorri nahi duten ikastetxeek Donostiako Udalaren Hezkuntza Sailaren bidez eman behar dute izena 2011ko urriaren 20tik abenduaren 19ra bitartean (tel: 943 48 3384; posta elektronikoa: hezkuntza_educacion@donostia.org; www.donostiahezkuntza.org). Ikasle bakoitzeko prezioa 2,50 € izango da.

Sinfokids kastetxeetan banatzen zen bitartean, aste honetan hainbat tailer burutu da Bilbo, Donostia eta Gasteizen irakasleei Euskadiko Orkestrak, Eitbk eta Eusko Jaurlaritzako Hezkuntza, Unibertsitate eta Ikerketa Sailak gauzatutako ikus-entzunezko materiale honen inguruko azalpenak emateko. Izan ere, Sinfokids tresna aitzindaria da eta estatu mailan ez du beste erreferentziarik.

Honela, milaka ikaslek erabiliko dute modu zorrotz baina atseginean musikaren errealitatera hurbiltzeko baliogarri izateko sortutako errekurtso pedagogikoa den Sinfokids.

Hauek izango dira SInfokids-en lehendabiziko denboraldian landuko diren gaiak:
     1. Ahotsa: altuera, intentsitatea, tinbrea eta iraupena.
     2. Hotsen tinbrea, hotsen paisaia eta musika tresnen entzumena.
     3. Orkestra Sinfonikoa: instrumentu familiak.
     4. Musika-idazkera.
     5. Orkestraren musika.

Musika klasikoaren zabalkuntzan erabat berriztatzailea den ikusentzunezko material hau Euskal Autonomi Erkidegoko ikastetxeetan banatu da eta bigarren denboraldiaren prestaketa abian da jada.

Hiru lanegunetan zehar, bederatzi erkidegotatik etorritako 45 adituk esku hartu zuten. Bertan erakunde ezberdinek sustatutako hamalau hezkuntza-proiektu aurkeztu ziren eta aurkezpen hauen bidez bertaratutakoek musika gizarteratzeko estrategia ezberdinak ezagutu eta eztabaidatzeko aukera izan zuten. Halaber, Europa eta Amerikan garatzen ari diren hainbat jerduera ezagutzeko abagunea izan zen.

Gainera, II. Topaketa honetan Hezkuntza Proiektu bat martxan jartzerakoan eragina duten elementu ezberdiene inguruan sakonki hausnartu da, erakundeek beren jardueraren oinarri izango den proiektu sendo bat finkatzearen beharra azpimarratuz.

Roberto Gómez de la Iglesia ekonomilari eta kultur kudeatzaileak dinamizaturik eta lan-zein ezatabide-talde ezberdinak osatuz, gero eta aurretik ikusezinagoa den testuinguru batean gure hezkuntza-proiektuak etengabean berpentsatzeko formula berriztatzaileak aztertu dira. Koordinazioa, fomakuntza, komunikazioa eta ikerkuntza izango dira eorkizunean ROCE-k burutuko dituen jardueren funtsa.

Topaketan ROCE-ren partaide diren erakundeek burututako hezkuntza zein gizarte jarduerei garrantzia eta ikusgarritasuna emateko esfortzuaren beharra nabarmendu zen. Hauek Espainia mailan milaka pertsonengana heltzen diren jarduerak baitira.

Topaketaren ondoren, ROCE-k bi kide berri ditu, elkarteak guztira jada hamazazpi partaide izango dituelarik - orkestrak, auditorioak, udalak, gobernu autonomoak, fundazioak-. La Caixa Fundazioa eta Adán Martín Tenerifeko Auditorioa dira ROCE-ko partaide berri gisa musika jarduera hezigarriak bultzatzea helburu duen egitasmo honetan murgildu direnak.

ROCEko kide dira:
L'Auditori
Nafarroako Gobernuko Kultur Departamentua
Orquesta Ciudad de Granada
Euskadiko Orkestra
Fundación Municipal de Cultura del Ayuntamiento de Gijón
Bilbao Orkestra Sinfonikoa
Orquesta Filarmónica de Gran Canaria
Orquesta Sinfónica del Vallés
Orquesta Sinfónica de Tenerife
Orquesta Barroca de Sevilla
Kursaal Fundazioa
Orquesta de Cámara Carlos III
Palau Música Catalana
Centro Cultural Miguel Delibes - Orquesta Sinfónica de Castilla y León
Abecedaria - Consejería de Cultura de la Junta de Andalucía
Fundación La Caixa
Auditorio de Tenerife Adán Martín

Kontzertu Hezigarrien Antolatzaileen Sarea (ROCE) 2010ean sortu zen, Orquesta Ciudad de Granada, Bartzelonako L'Auditori, Nafarroako Gobernuko Kultur eta Turismo Saila eta Euskadiko Orkestraren ekimenez, Gijón-go Udal Kultur Fundazioaren laguntzaz. Honen helburuak kideek garatutako akzio hezigarriak koordinatu, lankidetza bultzatu eta proiektu hezigarriak sustatzea dira. Sortu zenetik erakunde hauek ROCE modu egonkor batean instituzio berriak berean hartzeko eta partekatutako interes eta beharren arabera lan-dinamika ezberdinak garatzeko gai izatea bideratu duen balorazio eta lantze prozesu bati egin diote aurre. Honela, hasierako erakundeei Bilbao Orkestra Sinfonikoa, Kursaal Fundazioa, Kanaria Handiko Filarmonikoa, Vallés-eko eta Tenerifeko Orkestra Sinfonikoak, Sevillako Orkestra Barrokoa, Carlos III Ganbera Orkestra, Palau de la Música Catalana, Valladolideko Miguel Delibes Kulturgunea eta Gaztela eta Leongo Orkestra Sinfonikoa eta Andaluziako Juntaren Kultur eta Hezkuntza Sailen menpeko Abecedaria Zirkuitua gehitu zaizkie gerora.

Kultur arloaren inguruan jarduten diren erakundeak dira guztiak, forma eta eduki aldetik anitzak, baina guztiek funtsezko ideiak partekatzen dituzte: musika edozein gizartetan tresna hezigarri oinarrizkoa dela eta ikastetxe zein familientzako prestaturiko kontzertu eta jarduerak gure eskaintza artistiko zein sozialaren funtsezko zati direla, esaterako. Egun ROCE proiektu honen kide izateko interesa izan dezaketen erakundeekiko informazio eta zabalkunde prozesuan murgildurik dago

Granadan 2010ean izandako I. ROCE Topaketa hezkuntza proiektuaren kudeaketaren ideiaren eta bere ezaugarrien -hezkuntza, musika zein artearen arlokoak- ingurukoa izan bazen, bigarren topaketa honek proiektuan beste ikuspegi batzuetatik sakontzea izango du helburu: egungo testuinguruaren ezagutzaren garrantzia, lidergo sendo baten beharra edo burutzen dituzten jardueretan erakunde ezberdinen balioak eta filosofiaren benetazko eragina. Batzar honetan esku hartuko dutenak hauek dira, besteak beste: Assumpció Malagarriga (Servei Educatiu L'Auditori-ko zuzendari eta ROCEren presidente), Manuel Cañas Escudero (ROCEren koordinatzailea) Roberto Gómez de la Iglesia (c2+i entrepresaren buru), Mª Camino Barcenilla y Toña Trueba (Nafarroako Gobernuko Kultura Saila), Carmen Huete (Orquesta Ciudad de Granadako Hezkuntza Departamentua), Manuel González (Gijóngo Udaleko Kultur Udal Fundazioko burua), Pedro Sarmiento (Teatro Real eta Fundación SaludArte-k lagundutako LOVA Proiektuaren koordinatzailea) eta Aintzane Cámara (EHUko irakaslea); Topaketaren anfitrioia izango den Euskadiko Orkestratik, Iñigo Alberdi, zuzendari nagusia, Miren Elósegui, komunikazio zuzendaria, eta Mikel Cañada, hezkuntza departamentuaren koordinatzailea arituko dira.

Topaketaren helburuak honako hauek dira:
• Gure inguruan burutzen diren ahalik eta hezkuntza proiektu zein programa gehien ezagutzea.
• Hezkuntza-proiektu baten abiatze, garapen eta ebaluaketan eragina duten alor ezberdinetan sakontzea.
• Jarduera-ildo nagusiak eztabaidatzea.
• Etorkizunerako lan-proiektuak bideratu eta bultzatzea.

II. ROCE Topaketa (Kontzertu Hezigarrien Antolatzaileen Sarea)
Ekainak 23, 24 eta 25: Donostiako Teknologi Elkartegiko Eraikin Nagusia (Mikeletegi Pasealekua, 53)

Jarduera hau osatzeko, ikasleek gure Hezkuntza Depatamenduak diseinatutako material didaktikoa landu dute aurrez ikasgelatan. Hori prestatzeko, bertaratuko diren ikastetxeetako musika-irakasleek tailer bat burutu zuten duela aste batzuk.

"Barrokoa, historiari begirada bat" kontzertuak XVI, XVII eta XVIII. mendeetako musika helaraziko die haurrei, Purcell, Albinoni, Vivaldi, Telemann, Bach, Händel eta abarren lanak ezagutzera emanez. Izan ere, musikaren historian izan diren garai emankor eta luzeenetariko bat garatzeko gai izan ziren sortzaile handiak izan ziren konpositore horiek guztiak. Modu ludiko baina zorrotzean, "Barrokoa, historiari begirada bat" kontzerturako aukeratutako egitaraua Orkestrako kideek interpretatuko dute, oraingoan ganbera-orkestra osatuz, eta gainera bereziki dibertigarriak diren ahots-lanak izango dira, Lara Agudo sopranoa buru duen kantari-laukoteak abestuko dituenak. Kontzertua Euskadiko Orkestrako kontzertino gonbidatu printzipal Lorenz Nasturica Herschcowicik zuzenduko du. Ospe handiko biolinjotzaile hau Münicheko Orkestra Filarmonikoko kontzertino printzipala da 1992.etik eta bakarlari gisa Sergiu Celibidache, Christian Thielemann, Lorin Maazel edo Zubin Mehtaren zuzendaritzapean aritu da. Halaber, 2004ean Municheko Orkestra Filarmonikoaren Ganbera-Orkestraren buru izendatu zutenetik Hélène Grimaud, Anne-Sophie Mutter, Martin Stadtfeld edo Nikolaj Znaider-ekin batera aritu da. Proposamen berri hau Euskadiko Orkestraren hezkuntza departamentuko koordinatzaile Mikel Cañadaren ideia eta gidoia ditu oinarri eta musika-hezkuntzan aditua eta aktorea den Ana Hernándezek aurkeztuko du.

Aurretik FEVAS-eko 170 kide izan ziren kontzertu honetaz gozatu eta erritmoa landu eta orkestrako instrumentuak ezagutzeko tailer bat burutu zutenak.

Guztiek EOSen musikarien eta Mikel Cañada, Orkestrako Hezkuntza Departamentuko Koordinatzailearen azalpenak jarraitu dituzte eta haize, perkusio eta abarrezko instrumentuak jotzeko aukera izan dute. Asteazkenean, hilak 11, Aspace Gipuzkoa eta Gautena elkarteetako haurrak izango dira taileera egin eta "Barrokoa, historiari begirada bat" kontzertua ikus eta entzuteko aukera izango dutenak.

Orkestraren Korporazio Erantzunkizun Sozialaren baitan kokatzen den ekimen honek 2009an FEVASekin lankidetzan burututakoaren ildoari jarraituko dio. Izan ere, orduan burututako jarduera "Praktika On" izendatu du FEAPSek, Adimen ezintasuna dutenen aldeko Elkarteen Espainiar Konfederakuntzak.

Modu ludiko baina zorrotzean, "Barrokoa, historiari begirada bat" kontzerturako aukeratutako egitaraua Orkestrako kideek interpretatuko dute, oraingoan ganbera-orkestra osatuz, eta gainera bereziki dibertigarriak diren ahots-lanak izango dira, Lara Agudo sopranoa buru duen kantari-laukoteak abestuko dituenak. Kontzertua Euskadiko Orkestrako kontzertino gonbidatu printzipal Lorenz Nasturica Herschcowicik zuzenduko du.
Proposamen berri hau Euskadiko Orkestraren hezkuntza departamentuko koordinatzaile Mikel Cañadaren ideia eta gidoia ditu oinarri eta musika-hezkuntzan aditua eta aktorea den Ana Hernándezek aurkeztuko du.

Barrokoa izango da 2. Eskola-haurrentzako Kontzertuen funtsa. Barrokoa, historiari begirada bat izango da gainera maiatzaren 10etik 12ra bitartean Orkestraren Miramongo egoitzan izNGO DIREN 2. Eskola-haurrentzako Kontzertuetan eskainiko den ikuskizuna. Joan zen urtean egitasmo honek izandako arrakastaren ondoren, aurtengoan Lehen Hezkuntzako bigarren eta hirugarren zikloetako 2500 bat haur biltzea aurreikusi da. Eskola-orduetan gure Hezkuntza Depatamenduak diseinatuta ikaslegoak ikasgeletan landuko dituzten jarduera didaktikoak osagarri dituen kontzertuaz gozatzeko aukera izango dute.

Adimen ezintasuna dutenen aldeko Elkarteen federazioarekin (FEVAS) lankidetzan, maiatzaren 9an federazio honetako kideak izango dira Barrokoa, historiari begirada bat kontzertuaz Orkestrak Miramonen duen egoitzan gozatzeko aukera izango dutenak. Orkestraren Korporazio Erntzunkizun Sozialaren baitan kokatzen den ekimen honek 2009an FEVASekin lankidetzan burututakoaren ildoari jarraituko dio. Izan ere, orduan burututako jarduera "Praktika On" izendatu du FEAPSek, Adimen ezintasuna dutenen aldeko Elkarteen Espainiar Konfederakuntzak.

Soinutik... bihotzera. Martxoaren 27 igandean, Orkestrak eta Gasteizko Udalak koproduzitutako "Musika Familian" zikloaren baitan, arabar hiriburuko García Lorca Antzokian emakume haurdunei eta bederatzi hilabeterainoko haurtxoei zuzendutako emanaldia izango da. "Soinutik... bihotzera" izaera nabarmenki esperimentala duen jarduera da. Helburua isiltasunetik abiatutako bidaia egitea da, ondoren, baschet musika-tresnen soinu bereziaren bidez, bibrazio, erritmo eta sentsazioz betetako mundu batean murgil gaitezen, naturaren zikloekin eta gure bihotzarekin konektatu ahal izateko. Baschet instrumentarium pedagogikoa 14 soinu-egiturek osatzen dute, perkusio, hari eta kristalezkoak. Hauek 1952.ean Baschet anaiek aurkitutako printzipio akustiko berria aplikatuz lortu dira eta instrumentu-familia berri baten sorkuntza bideratu du. Donostian, orduan ere Musika Familian zikloaren baitan, estreinakoz izan ostean, estatu mailan mota honetako emanaldi bat burutzen den bigarren aldia izango da honako hau. Bi txanda izango dira (17.00 eta 18.30etan) eta sarrerak telefonoz eros daitezke (945 16 10 45).

Gainera, SINFOKIDS. Larunbatean, hilak 26, ETB3n SINFOKIDS saioaren lehenbiziko denboraldiko azken atala emitutuko da, iluntzeko 22.00etatik aurrera, "Orkestraren musika" izenburupean.

Isiltasunetik abiatuta, Carles Pérez Collado eta Andreu Ubach musikari eta musikoterapeutek bibrazio, erritmo eta sentsazioen mundu batean zehar ibilbidea proposatzen dute, kontzertura bertaratutakoak naturaren zikloekin eta norbere bihotzarekin bat egitea helburu harturik. Horretarako, sorkuntza eta inprobisazio bidez, Baschet instrumentuek eskiantzen dituzten aukeratan sakonduko da eta entzulegoaren elkarlana beharbizikoa gertatuko da kontzertuaren garapenean.

Baschet instrumentarium-a perkusio, hari eta kristalezko hamalau soinu-egiturek osatzen dute. Instrumentu-multzo hau François eta Bernard Baschet anaiek, bata eskultorea eta ingeniaria bestea, 1952an aurkitutako printzipio akustikoa oinarri harturik garatu zen, instrumentu-familia berri bat sortuz. Baschet soinu-egiturek eskaintzen duten metalaren barnetik ateratako soinuen aberastasun eta aniztasunak soinu- eta musika-fenomenoaren estereotipoetatik at geratzen den zabalkundea proposatzen dute, irudimena, ikusmira eta musika-adierazpena garatzea xedetzat dutela. Egitura hauek, nolabaiteko musikazko-eskultura modukoak, Miróren margolan batetik edo Calder-en mobiletako batetik ateratako koloredun formak bailitzan, Londreseko Barbican Centre, New Yorkeko Arte Modernoko Museoan edo Sofia Erregina Arte Garaikidearen Museoan izandako hainbat erakusketatan izan dira ikusgai.

Euskadiko Orkestraren Musika Gelak antolatutako emakume haurdunentzat eta bederatzi hilabeterainoko haurtxoentzako lehendabiziko kontzertu honetarako sarrerak egun gutxitan agortu ziren. Esperientzia berri hau martxoaren 27an errepikatuko da Gasteizko Principal Antzokian.

Tchaikovskyren musika dantzagarri eta miragarriari Nicolas Duperior-en musika-zati labur batzuk gehitzen zaizkio eta Malandain Ballet Biarritz Zentro Koreografiko Nazionalaren zuzendari eta koreografo Thierry Malandainek oroitzapenak ñabardura sentikorrekin eta Tchaikovskyren baleten zantzuekin batzen saiatzen den ikuskizuna sortu du. "Magnifique n gabe, asmatutako hitz horrek, zirkuitulabur hau ezinhobea da sorkuntza honen helburuak islatzeko: magia sortu edo, izan ere, bizitzaren materia gordina forma adierazkor eta poetikoean birziklatu", Malandainen hitzetan. 2009an estreinatu zenean izandako arrakasta lagun duela, ikuskizun hau orkestra sinfoniko baten zuzeneko musikak dantzari, muntaia bisual zein eszenikoari ematen dion handitasunak jantzirik dator oraingoan.

Estreinaldiaren aurretik, entsegu ireki bat. Bihar, hilak 17, Abonu-Denboraldian estreinatu baino ordu batzuk lehenago eta Orkestraren Musika Gelaren jardueren baitan, lehen hezkuntzako hirugarren zikloko eta derrigorrezko bigarren hezkuntzako lehen zikloko milatik gora ikasle Kursaal Auditorioan bilduko dira "Magifique" ikuskizunaren entsegu irekia ikusteko. Publikoarekin bat egiteko aukera oso berezia izango da zalantzarik gabe.

Gaur asteazkena, hilak 16, Orkestra Miarritzera, Malandain Ballet Biarritz-en egoitza den Gare du Midi-ra abiatuko da baletarekin batera publikoari irekitako entsegu bat burutzera, 19.00etan.

Musika Gelaren baitan burutzen diren jarduera guztiekin batera, esaterako Musika Familian zikloa, eskola-haurrentzako kontzertuak, sentsibilizazio tailerrak, irakaslegoarentzat tailerra, entsegu irekiak eta abar, Orkestrak aurrerapausu bat eman nahi izan du, gizartearen zerbitzura egoteko bere bokazioari jarraiki, bere jarduerak zabalkunde handiagoa izan dezan. Euskadiko Orkestrak eta EITBk bat egin dute SINFOKIDS izenburupean gaur DVD formatuan aurkezten dugun baterako poiektu honetan. Pertsona kopuru handi batengana iritsiz, gure herrian kultura zein hezkuntzaren garapenean erabakitasunez lagunduko duen ikus-entzunezko musika-saio kalitatezko eta berriztatzailea sortzeko talde-ahalegin handiaren emaitza da gaurkoan aurkezten duguna.

Egitasmo honen hirugarren erpina den Eusko Jaurlaritzaren Hezkuntza, Unibertsitate eta Ikerketa Sailaren ezinbesteko lankidetzak SINFOKIDS proiektuaren banaketa-aukerak aregotzea ahalbidetu du, Euskadiko lehen hezkuntzako ikastetxe bakoitzak DVD hau jasoko baitu.

Honela, ETB1en otsailaren 12an estreinatuko den SINFOKIDS Euskadiko Orkestrak sortu, EITBk errealizatu eta Eusko Jaurlaritzaren Hezkuntza, Unibertsitate eta Ikerketa Sailak hezkuntza-munduan banatutako produktua dugu.

SINFOKIDS jarraitasuna izateko bokazioz sortu da eta haur zein helduei musikazko unibertsoa erakusten jarraitzea ahalbidetuko digun ikus-entzunezko tresna izango da, ikuspegi ludiko eta kalitatezko batetik, berariaz musika klasikoaren inguruan beti sortu izan diren topikoetatik ihes eginez.

Musika Gela Euskadiko Orkestrako Hezkuntza Departamentuak diseinatzen dituen jarduera guztiak biltzen dituen marka da; jada finkatutako Musika Familian zikloko kontzertuak, Gasteiz eta Donostian, Ikastetxeentzako jarduerak izenburupean sortutako ekimenak, horien artean Egoitzara Bisitak, Tailerrak Ikastetxeetan, eta Eskola-haurrentzako kontzertuak eta aurtengoan estreinako aldiz burutuko diren Entsegu Irekiak. Honela, denboraldi honetan guztira hogeita sei izango dira Euskadiko Orkestra Sinfonikoa lokailu harturik gauzatuko diren musika-ekitaldiak.

Musika Familian zikloa, duela hamabost urte burutzen dena, Donostian Kursaal Fundazioarekin eta Gasteizen Udal Antzoki Sarearekin koprodukzioan burutuko da aurtengoan ere. Zikloa argudio ezberdinak erabilliz musika ezagutzen jarraitzeko sortutako bost proposamen interesgarrik osatuko dute. Kontzertu hauen sarrera-jarduera gisa, Sentsibilizazio Tailerrak izango dira, emanaldi bakoitza baino ordu batzuk lehenago eta ondoren entzun eta ikusiko denarekin lotura zuzena dutela.

Ikastetxeentzako Jardueren artean, denboraldi honetan ere azpimarragarriak dira Eskola-haurrentzako Kontzertuak. Ekimen honek 2000 haurretik gora bildu zituen iaz Orkestraren egoitzan. Jarduera hau Miramonen izango da berriz ere eskola-orduetan. Bere egiturak jarduera aurretik gelatan prestatzea ahalbidetuko du, Hezkuntza Departamentuak burutu eta kontzertuetara etorriko diren ikastetxeetako musika-irakasleei aurkeztuko dizkien gida didaktikoak oinarri harturik. Orkestrak gainera Egoitzara bisitak eta Ikastetxeetan Tailerrak ere jartzen ditu ikasle, irakasle eta bestelako taldeen eskura.

Denboraldi honetan Entsegu Irekiak dira berrikuntza nagusia. Hauek Derrigorrezko Bigarren Hezkuntza, Batxilergo, musika eta dantza eskola zein kontserbatorioetako eta Musikeneko irakasle eta ikasle eta irakasleei daude zuzendurik. Denboraldi honetan doako bi Entsegu Ireki programatu dira: lehenbizikoa joan zen azaroan burutu zen eta bigarrena otsailaren 17an izango da, 16.00etan Donostiako Kursaal Auditorioan. Euskadiko Orkestra Sinfonikoak zulogonean eta Malandain Ballet Biarritz eszenatokian, biek bat egingo dute "Magifique" ikuskizuna aurkezteko, Thierry Malandainen koreografiaz eta Eduardo Portal musika-zuzendari dela. Jarduera hau Derrigorrezko Bigarren Hezkuntza, Batxilergo, musika eta dantza eskola zein kontserbatorioetako eta Musikeneko irakasle eta ikasle eta irakasleei soilik zuzentzen zaie eta doakoa izango da.

Oharra: Deialdia hezkuntza zentroko taldeei bakarrik irekitzen da, eta ez indibidualki etorri nahi duten pertsonei.

Parte-hartze baldintzak: Zuen Ikastetxeak etortzeko interesa badu, educativos@orquestadeeuskadi.es posta elektronikora bidali beharko du hurrengo informazio hau:

-Ikastetxeko izena eta helbide postala
-Harremanetako pertsonaren izena eta mugikor zenbakia
-Harremanetako pertsonaren posta elektronikoa Eskatzen den sarrera zenbakia